Novas

Ditame Premios da Crítica de Galicia 2018

No Hotel Os Escudos de Vigo deuse a coñecer no decurso dun xantar do sábado 3 de novembro o ditame da cuadraséxima primeira edición dos Premios da Crítica de Galicia na súas modalidades de Creación Literaria, Investigación, Música, Iniciativas Culturais e Científicas, Artes Plásticas, Artes Escénicas, Cine e Artes Audiovisuais e Cultura Gastronómica.

Baixo o lema “ESPIGAR”, xuntáronse trescentas corenta persoas representativas dos diversos ámbitos da política, da sociedade e da actividade cultural do país, entre as que se atopaban Abel Caballero, alcalde de Vigo; Carmela Silva, presidenta da Deputación Provincial de Pontevedra; Rosario Álvarez, presidenta do Consello da Cultura Galega; Anxo Lorenzo Suárez, director xeral de políticas culturais; e Víctor F. Freixanes, presidente da Real Academia Galega, entre outros.

Bieito Ledo, presidente da Fundación Premios da Crítica Galicia, abríu o acto, conducido por Afonso Vázquez Monxardín, saudando aos asistentes e lembrando a traxectoria dos premios e defendendo a pervivencia da lingua galega como o seu celme.

A nena do abrigo de astracán de Xabier P. DoCampo, Premio de Creación Literaria

O xurado da XLI edición dos Premios da Crítica de Galicia da modalidade de Creación Literaria, formado por Antonio Manuel Fraga, escritor, gañador da edición 2017; Yolanda Castaño, poeta e xestora cultural; María Xesús Fernández Fernández, profesora e crítica; María Xesús Nogueira, profesora da USC e crítica; Susana Sánchez Aríns, profesora e crítica; Miro Villar, profesor e crítico; Ramón Nicolás Rodríguez, secretaría, en representación da APCG, acordou declarar finalistas as obras A nena do abrigo de astracán de Xabier P. DoCampo (Xerais), Nomes de fume de Miriam Ferradans (Espiral Maior), Camuflaxe de Lupe Gómez (Chan da Pólvora), Cervatos de Lucía Novas (Faktoría K). Tras as derradeiras deliberacións acordou outorgar por maioría o premio A nena do abrigo de astracán de Xabier P. DoCampo (Xerais).

O xurado salientou que «esta obra culmina unha traxectoria creativa, recollendo o corolario dunha serie de aprendizaxes que aquí se espellan. Ao tempo que salientamos o coidado da súa estrutura, a viveza e naturalidade dos diálogos, a construción dunha atmosfera que repara na presenza das ausencias, a reflexión sobre a maldade, a referencia ao cine como refuxio da inocencia e a súa riqueza lingüística, elementos que o converten, ao noso xuízo, na mellor novela do ano».

José Luis Mascareñas, Premio de Investigación

O xurado da XLI edición dos Premios da Crítica de Galicia da modalidade de Investigación, formado por Clara V. Álvarez, profesora de Fisioloxía na Facultade de Medicina da USC e directora do Grupo de Investigación sobre Neoplasias e Diferenciación Endocrina no CIMUS; Ángel Manuel Sánchez Bermúdez, catedrático de Enxeñería Química da UVigo; Felipe Criado-Boado, profesor de investigación do CSIC e director do Instituto de Ciencias do Patrimonio (INCIPIT); Nieves Lagares, profesora da Facultade de Ciencias Políticas e Sociais da USC; Rubén Lois González, catedrático da facultade de Xeografía e Historia da USC e vicepresidente da Unión Xeográfica Internacional; Victoria Otero Espinas, matemática e Vicerreitora de  Titulacións da USC e Malores Villanueva, secretaría, en representación da APCG, acordou declarar como finalistas a Ramón Villares, José Luís Mascareñas e a da Rede Interdisciplinar Tecnoloxía e Análise de Datos Lingüísticos (TecAnDali). Tras as derradeiras deliberacións acordou outorgar por consenso o premio a José Luis Mascareñas.

O xurado salientou que «José Luís Mascareñas ten unha exitosa traxectoria investigadora no ámbito da Química, que se aplica a outras áreas de coñecemento como a Bioloxía e a Biomedicina. Destaca tamén que é o único investigador en Galicia que, traballando dende o país, conseguiu un Advance Grant do ERC, o que supón a atracción de fondos europeos para fomentar a investigación en Galicia. É director do CIQUS, un dos centros punteiros de investigación competitiva e dende esta posición favorece a creación e a continuidade de novos grupos científicos que xeran unha rede de traballo, así como garanten o seu futuro e, por ende, o da investigación. Con este recoñecemento salientamos a importancia da ciencia galega feita dende Galicia, nesta caso na área de Química biolóxica e na persoa de José Luis Mascareñas. O xurado quere manifestar a gran dificultade que supuxo decantarse por un dos finalistas dada a súa valía en ámbitos tan diferentes e tan importantes para a investigación galega».

Ana Romaní, Premio de Iniciativas Culturais e Científicas

O xurado da XLI edición dos Premios da Crítica de Galicia da modalidade de Iniciativas Culturais e Científicas, formado por Jorge Mira, catedrático da USC, gañador da edición anterior polo programa ConCiencia; Alberto Barciela, xornalista; Hakan Casares, Observatorio da Cultura Galega; Delfín Caseiro Nogueiras, catedrático de Lingua e literatura; Sonia Díaz, comunicadora e xestora cultural; Xulia Santiso, xestora cultural, directora da Casa Museo Emilia Pardo Bazán e Malós Cabrera Iglesias, secretaría, en representación da APCG, acordou entre as propostas presentadas declarar finalistas a Revista feminista Andaina, Portal GCiencia e Ana Romaní polo seu traballo en Diario Cultural. Tras as derradeiras deliberacións acordou outorgar por maioría o premio a Ana Romaní.

O xurado salientou «o seu labor a prol da visibilidade, promoción e difusión da nosa cultura, nas súas diversas manifestacións ou expresións, así como a súa defensa e uso do galego. Labor que desenvolveu maiormente como directora do programa Diario Cultural da Radio Galega dende o seu inicio, no 1990, ata mediados do presente 2018. O xurado quere salientar, tamén, a súa declarada vontade de intervención e perspectiva feminista».

Mercedes Peón, Premio de Música

O xurado da XLI edición dos Premios da Crítica de Galicia da modalidade de Música, formado por María Costas, cantante e actriz; Xulia Feixoo, etnomusicóloga, percusionista de Rodrigo Romaní Trío; Sonia Lebedynski, cantante; Xosé Manuel Pereiro, xornalista, codirector da revista Luzes; Mercedes Rosón, subdirectora da Área de Cultura da USC; Maximino Zumalave, director de orquestra e Paz Raña Lama, secretaría, APCG, acordou entre as propostas presentadas declarar finalistas a Cantos na Maré, Mercedes Peón, Xabier Díaz e Sés. Tras as derradeiras deliberacións acordou outorgar por maioría o premio a Mercedes Peón.

O xurado salientou «a súa traxectoria de compromiso coa investigación e documentación do patrimonio musical de tradición oral, un aspecto no que un claro referente. Mercedes Peón é creadora dunha sonoridade propia innovadora sempre na procura de fórmulas abertas, fóra de corsés, cualidades que foron apreciadas en escenarios de todo o mundo».

Javier Alonso de la Peña, Premio de Artes Plásticas

O xurado da XLI edición dos Premios da Crítica de Galicia da modalidade de Artes Plásticas, formado por María Luisa Sobrino, gañadora da edición anterior; Alberto González Alegre, comisario e crítico; Fran Herbello, fotógrafo, director do IES Audiovisual de Vigo; Chelo Matesanz, artista e profesora da Facultade de Belas Artes de Pontevedra; Andrés Meixide, ilustrador e humorista gráfico; Ruth Varela, arquitecta e investigadora e Ledicia Costas, secretaría, en representación da APCG, acordou entre as propostas presentadas declarar finalistas a Berio Molina, Pamen Pereira, Javier Alonso de la Peña polo Plan director da Catedral de Santiago e Rosalía Pazo Maside. Tras as derradeiras deliberacións, acordou outorgar por maioría o premio a Javier Alonso de la Peña polo Plan director da Catedral de Santiago.

O xurado salientou que «é insólito que un xurado dun premio teña a oportunidade de valorar a intervención nunha das obras mestras da arquitectura de todo o occidente europeo: a catedral de Santiago de Compostela. Consderamos que é de xustiza valorar o importante compromiso asumido por Javier Alonso de la Peña, o nivel de responsabilidade e a súa implicación durante máis dunha década. Esforzo que cristalizou no ano 2017 coa finalización da restauración das torres da Fachada do Obradoiro, así como a tribuna e o pórtico. Valoramos tamén a recuperación da poética do monumento e do lugar sagrado e o traballo simbólico que abordou».

Mostra Internacional de Teatro Cómico e Festivo de Cangas (MITCFC), Premio de Artes Escénicas

O xurado da XLI edición dos Premios da Crítica de Galicia da modalidade de Artes Escénicas, formado por Flor Maceiras, directora da Escola Municipal de Teatro de Narón, gañadora da edición anterior; Carlos Sante, actor, coordinador do proxecto internacional en técnicas de clown Hangar Manicómico; Irene Moreira Fontán, directora en Sala Ingrávida, profesora da ESAD; Antón Lopo, crítico e editor; Begoña Cuquejo, directora escénica e coreógrafa; Paulo Rodríguez, director do Teatro Rosalía de Castro e Mariana Fernández Carballal, secretaría, en representación da APCG, acordou entre as propostas presentadas declarar finalistas a Manuel Lourenzo Pérez, Mostra Internacional de Teatro Cómico e Festivo de Cangas e Festival Internacional de Títeres de Redondela. Tras as derradeiras deliberacións, acordou outorgar por maioría o premio a  Mostra Internacional de Teatro Cómico e Festivo de Cangas

O xurado salientou que «nacendo da fusión entre o tecido teatral popular e o profesional, a MITCFC é espazo de encontro desde o tan necesario humor para a promoción das Artes Escénicas, baseada nunha programación de calidade na procura de novos públicos e espazos. A aposta da mostra de Cangas por manter unha mirada comprometida a prol da Igualdade desde as súas orixes, hai 35 anos, materializouse nas últimas edicións no Proxecto Mulleres en Accion, que lle devolve á sociedade unha concepción paritaria das Artes Escénicas, irrenunciable, ao entender deste o xurado».

Matria de Álvaro Lago, Premio de Cine e Artes Audiovisuais

O xurado da XLI edición dos Premios da Crítica de Galicia da modalidade de Cine e Artes Audiovisuais, formado por Ángel Rueda, gañador da edición anterior; Tamara Canosa, actriz; Pepe Coira, guionista; Ángeles Huerta, directora; Avelina Rodríguez, crítica de cine do Faro da Cultura; Marta Villar, directora de arte e Xavier Senín, secretaría, en representación do APCG, acordou entre as propostas presentadas declarar finalistas a Matria de Álvaro Lago, Trinta lumes de Diana Toucedo e á revista A cuarta parede. Tras as derradeiras deliberacións, acordou outorgar o premio a Matria de Álvaro Lago.

O xurado salientou «a dificultade á hora de escoller as obras finalistas debido á calidade e diversidade das propostas. Matria representa o mellor do noso cinema: o risco narrativo ao fusionar a ficción e recursos documentais. Bota unha ollada poética sobre a realidade que tenta desmitificar o matriarcado galego».

Boaga, Premio de Cultura gastronómica

O xurado da XLI edición dos Premios da Crítica de Galicia da modalidade de Cultura Gastronómica, formado por Alberto González Prelcic, cociñeiro, en representación do Grupo Nove, gañador da edición anterior; Teresa Cuíñas Lavandeira, xornalista da TVG; Taciana Díaz Mariño, xornalista; Manuel Hermo Piñeiro, profesor da escola de Hostelaría de Pontevedra; María Mosquera Leal, e-asesora, colaboradora da revista Benbo; Alejandro Rubín Carballo, director de Expourense e Luís Marconi Suárez, secretaría, en representación da APCG, acordou entre as propostas presentadas declarar finalistas a Federación de Razas Autóctonas de Galicia (Boaga), Terras da Mariña, Sociedade Cooperativa Galega e Mexillón de Galicia D. Orixe Protexida.

O xurado salientou que «todas as propostas presentadas son un reflexo da riqueza, innovación, compromiso e posta en valor da identidade gastronómica do noso país. O produto é o protagonista nas tres finalistas. Representan todo o proceso, que vai dende a produción, onde ten un peso importante o traballo das mulleres, ata o prato. Ademais m poñen o acento na recuperación de especies e produtos propios e únicos na nosa terra.

O xurado acordou outorgar o premio por maioría a Federación de Razas Autóctonas de Galicia (Boaga). «A gañadora ten impacto en todo o territorio, asenta poboación en contornas rurais, incorpora xente nova ao traballo gandeiro, coida colateralmente do medio ambiente e fai chegar o produto oso mercados máis selectos de España».

Xurados dos Premios da Crítica de Galicia 2018

O sábado 3 de novembro de 2018 celebrarase a cerimonia de anuncio do ditame da XLIª edición dos Premios da Crítica de Galicia que, a partir das 14:00 horas, terá lugar no decurso dun xantar no Hotel Os Escudos, avenida Atlántida 106, Vigo.

A xunta directiva da Asociación Premios da Crítica de Galicia nomeou as seguintes persoas como membros dos xurados de cada unha das oito modalidades:

Creación literaria: Antonio Manuel Fraga, escritor, gañador da edición 2017; Yolanda Castaño, poeta e xestora cultural; María Xesús Fernández Fernández, profesora e crítica; María Xesús Nogueira, profesora da USC e crítica; Susana Sánchez Aríns, profesora e crítica; Miro Villar, profesor e crítico; Ramón Nicolás Rodríguez, secretaría, APCG.

Investigación: Clara V. Álvarez, profesora de Fisioloxía na Facultade de Medicina da USC e directora do Grupo de Investigación sobre Neoplasias e Diferenciación Endocrina no CiMUS; Ángel Manuel Sánchez Bermúdez, catedrático de Enxeñería Química da UVigo; Felipe Criado-Boado, profesor de investigación do CSIC e director do Instituto de Ciencias do Patrimonio (INCIPIT); Nieves Lagares, profesora da Facultade de Ciencias Políticas e Sociais da USC; Rubén Lois González, catedrático da facultade de Xeografía e Historia da USC e vicepresidente da Unión Xeográfica Internacional; Victoria Otero Espinar, matemática e Vicerreitora de  Titulacións da USC e Malores Villanueva, secretaría, APCG.

Iniciativas Culturais e Científicas: Jorge Mira, catedrático da USC, gañador da edición anterior; Alberto Barciela, xornalista; Hakam Casares, Observatorio da Cultura Galega; Delfín Caseiro, catedrático de Lingua e literatura; Sonia Díaz, comunicadora e xestora cultural; Xulia Santiso, xestora cultural, directora da Casa Museo Emilia Pardo Bazán e Malós Cabrera, secretaría, APCG.

Música: María Costas, cantante e actriz; Xulia Feixoo, etnomusicóloga, percusionista de Rodrigo Romaní Trío; Sonia Lebedynski, cantante; Xosé Manuel Pereiro, xornalista, codirector da revista Luzes; Mercedes Rosón, subdirectora da Área de Cultura da USC; Maximino Zumalave, director de orquestra e Paz Raña Lama, secretaría, APCG.

Artes Plásticas: María Luisa Sobrino, gañadora da edición anterior; Alberto González Alegre, comisario e crítico; Fran Herbello, fotógrafo, director do IES Audiovisual de Vigo; Chelo Matesanz, artista e profesora da Facultade de Belas Artes de Pontevedra; Andrés Meixide, ilustrador e humorista gráfico; Ruth Varela, arquitecta e escritora e Ledicia Costas, secretaría, APCG.

Artes Escénicas: Flor Maceiras, directora da Escola Municipal de Teatro de Narón, gañadora da edición anterior; Carlos Sante, actor, coordinador do proxecto internacional en técnicas de clown Hangar Manicómico; Irene Moreira Fontán, directora en Sala Ingrávida, profesora da ESAD; Antón Lopo, crítico e editor; Begoña Cuquejo, directora escénica e coreógrafa; Paulo Rodríguez, director do Teatro Rosalía de Castro e Mariana Carballal, secretaría, APCG.

Cine e Artes Audiovisuais: Ángel Rueda, gañador da edición anterior; Tamara Canosa, actriz; Pepe Coira, guionista; Ángeles Huerta, directora; Avelina Rodríguez, crítica de cine do Faro da Cultura; Marta Villar, directora de arte e Xavier Senín, secretaría, APCG.

Cultura Gastronómica: Alberto González Prelcic, cociñeiro, en representación do Grupo Nove, gañador da edición anterior; Teresa Cuíñas Lavandeira, xornalista da TVG; Taciana Díaz Mariño, xornalista; Manuel Hermo Piñeiro, profesor da escola de Hostelaría de Pontevedra; María Mosquera Leal, e-asesora, colaborador ada revista Benbo; Alejandro Rubín Carballo, director de Expourense e Luís Marconi Suárez, secretaría, APCG.

Como establece a base sétima «Todas as producións que se consideren premiables en cada unha das modalidades poderán ser presentadas polos seus autores, editores, produtores ou promotores ás secretarías dos xurados antes do 8 de outubro de 2018. Así mesmo, cada un dos membros dos xurados poderá presentar cantas candidaturas considere oportunas para a súa valoración polo resto dos membros.»

A este teor as propostas poderán ser dirixidas ás secretarías de cada unha das modalidades escribindo a: premiosdacriticagalicia@gmail.com

Creación literaria: Ramón Nicolás Rodríguez.

Investigación: Malores Villanueva Gesteira.

Iniciativas Culturais e Científicas: María Dolores Cabrera Iglesias.

Música: Paz Raña Lama.

Artes Plásticas: Ledicia Costas Álvarez.

Artes Escénicas: Mariana Fernández Carballal.

Cine e Artes Audiovisuais: Xavier Senín Fernández.

Cultura Gastronómica: Luís Marconi Suárez.

Ditame dos Premios da Crítica 2017

No Hotel Os Escudos de Vigo deuse a coñecer no decurso dun xantar do sábado 4 de novembro o ditame da cuadraséxima edición dos Premios da Crítica de Galicia na súas modalidades de Creación Literaria, Investigación, Música, Iniciativas Culturais e Científicas, Artes Plásticas, Artes Escénicas, Cine e Artes Audiovisuais e Cultura Gastronómica.

Baixo o lema “40 anos facendo país para sermos máis nós”, lembrando o corenta aniversario da celebración ininterrompida dos premios, xuntáronse trescentas cincuenta persoas representativas dos diversos ámbitos da política, da sociedade e da actividade cultural do país, entre as que se atopaban Abel Caballero, alcalde de Vigo; Miguel Santalices, presidente do Parlamento de Galicia; Román Rodríguez, conselleiro de Educación e Cultura; Carmela Silva, presidenta da Deputación Provincial de Pontevedra; Víctor F. Freixanes, presidente da Real Academia Galega, entre outros.

Bieito Ledo, presidente da Fundación Premios da Crítica Galicia, abríu o acto, conducido por Noelia Otero, saudando aos asistentes e lembrando a traxectoria dos premios e defendendo a pervivencia da lingua galega como o seu celme.

Querido H.P. Lovecraft de Antonio Manuel Fraga, Premio de Creación Literaria

O xurado da modalidade de Creación Literaria, formado por María do Cebreiro Rábade Villar, poeta, gañadora da edición 2016; Diana Pastoriza Espasandín, blogueira, asesora CAFI Santiago; Armando Requeixo Cuba, crítico; Mario Regueira Fernández, crítico; Manuel Forcadela, profesor da UDV; Marcos Calveiro, escritor e Eulalia Agrelo Costas, que actuou como secretaria, en representación de Premios da Critica Galicia, acordou declarar finalistas as obras De catro a catro. Manuscrito inédito de Manuel Antonio (Alvarellos); Querido H.P. Lovecraft de Antonio Manuel Fraga (Alcaián, Urco) e Nordeste de Daniel Asorey (Galaxia). Tras as derradeiras deliberacións acordou outorgar por maioría o premio á obra de Antonio Manuel Fraga Querido H.P. Lovecraft editada por Alcaián Urco.

O xurado salientou da obra gañadora que “constitúe un enxeñoso acercamento ao estraño, mesturando brillantemente o sobrenatural co fantástico, onde sobrancea a habil creación de ambientes perturbadores que nos acaban afectando do mesmo xeito que ao ficticio Lovecraft”. O xurado sinalou que “alén diso, fai unha descrición dos personaxes cun par de expertas pinceladas breves que lle outorgan unha personalidade claramente única e fascinante”. Rematou sinalando que “coma nos textos de Lovecraft, acompañamos a Robert na súa caída libre no abismo da culpa, ficando envoltos no misterio engadindo a peza que completa o círculo lovecraftiano”.

A prensa en Galicia na Transición de Marcós Pérez Pena, Premio de Investigación

O xurado da modalidade de Investigación, formado por Blanca Roig Rechou, catedrática USC, gañadora da edición 2016; Vanesa Valdeiglesias, profesora UDC; Carme Adán Villamarín, catedrática de Filosofía; Uxío Labarta Fernández, investigador, Instituto de Investigacións Pesqueiras; Xurxo Mariño Alfonso, neurocientífico, profesor UDC; Xavier Senín, profesor e tradutor e María Xosé Porteiro García , que actuou como secretaria en representación de Premios da Crítica de Galicia, acordou declarar como finalistas a María Xosé Agra; ao proxecto de Secuenciación xenética do rodaballo (USC-CSIC,CENAG); e ás obras A prensa en Galicia na Transición de Marcos Pérez Pena (Xerais) e A nosa terra é nosa. A xeira das Irmandades 1916-1931 de Emilio Xosé Ínsua (Baía edicións). Tras as derradeiras deliberacións acordou outorgar por unanimidade o premio A prensa en Galicia na Transición de Marcos Pérez Pena, editado por Xerais

O xurado destacou que “valoraba moi positivamente a cantidade, calidade e diversidade das propostas presentadas que reflicten o auxe da investigación científica e do pensamento en Galicia”.

Programa Conciencia, Premio de Iniciativas Culturais e Científicas

O xurado da modalidade de Iniciativas Culturais, formado por Observatorio pola Igualdade da Mariña, gañadora da edición 2016; Marcelino Fernández Santiago, xerente do Consello da Cultura Galega; Elena Vázquez Cendón, decana da Facultade de Matemáticas da USC; Manuel Vicente García, xornalista de Esfervescencia Galega; Malós Cabrera, membro da Fundación Penzol; Pablo López, xornalista de Galicia ciencia e Afonso Vázquez-Monxardín, que actuou como secretario, en representación de Premios da Crítica de Galicia, acordou entre as propostas presentadas declarar finalistas a Programa ConCiencia, Colección Galician Wave e Programa de Medicina Xenómica. Tras as derradeiras deliberacións acordou por maioría outorgar o premio a programa Conciencia.

O xurado salientou do Programa Conciencia que “sexa unha iniciativa de divulgación científica consolidada no tempo optimizando uns recursos económicos cada vez máis minguados; sendo unha ponte entre niveis educativos, o mundo da investigación e a cidadanía”. Así mesmo salientou que “contribúa decisivamente a formar rede entre os investigadores e as investigadoras de Galicia e os lideres mundiais na materia; ademais de que consigue amosar que a sociedade responde ás iniciativas de divulgación científica de calidade”. Por último, “o xurado deséxalle ao progrma Conciencia unha longa e fructifera vida na que se puidese amosar unha maior visibilización da relevancia do papel da muller na ciencia”.

Luís Emilio Batallán, Premio de Música

O xurado da modalidade de Música, formado por Uxía Senlle, cantora, gañadora da edición 2016; Manuel F. Álvarez González, fundador de Xuventudes Musicais de Vigo; Octavio Beares, crítico musical de Faro de Vigo; Xosé Luís Blanco Campaña, xornalista; María Xosé Cerviño, Directora da Escola de Música Berenguela de Santiago; Fernando Fernández Rego, xornalista, historiador da música en Galicia e Antón Pulido Novoa, en representación de Premios da Crítica de Galicia, acordou entre as propostas presentadas declarar finalistas a Luís Emilio Batallán, Orquestra Sinfónica de Galicia e Treixadura. Tras as derradeiras deliberacións acordou outorgar por unanimidade o premio a Luís Emilio Batallán.

O xurado valorou de Luís Emilio Batallán “a súa traxectoria até a actualidade, a súa reivindicación e renovación da canción galega, a historicidade e dimensións das súas composicións que forman parte xa da cultura galega e do imaxinario colectivo de varias xeracións”. O xurado tamén quixo salientar “a contribución de Batallán á difusión da poesía galega e á popularización de autores como Álvaro Cunqueiro, Celso Emilio Ferreiro ou Carlos Oroza”.

María Luisa Sobrino, Premio de Artes Plásticas

O xurado da modalidade de Artes Plásticas, formado por Rosa Neutro, fotógrafa e artista visual; Chus Martínez Domínguez, crítica de arte e comisaria de exposicións; Juan Creus, arquitecto; Edu Valiña, artista visual; Javier Blanco, galerista, director da Galería Metro de Santiago de Compostela; Kiko da Silva, ilustrador e director da escola profesional O Garaxe Hermético de Pontevedra e Paula Cabaleiro, que actuou como secretaria, en representación de Premios da Crítica de Galicia, acordou entre as propostas presentadas declarar finalistas a María Luisa Sobrino, Carlos Quintáns e Din Matamoro. Tras as derradeiras deliberacións, acordou outorgar por maioría o premio a María Luisa Sobrino.

O xurado salientou de María Luisa Sobrino “a súa longa traxectoria como docente e investigadora no eido das Artes Plásticas en Galicia, continuando na actualidade unha importante implicación activista co seu contexto e coas problemáticas actuais. Pioneira no ensino da plástica contemporánea sendo impulsora da rede interdisciplinar da cultura galega. Ademais, 2016 foi o ano no que deixou o cargo de “coordinadora da sección de Creación e Artes Visuais contemporáneas do Consello da Cultura Galega, desde onde desenvolveu publicacións, actividades e informes que activaron novas lecturas sobre diferentes cuestións da creación contemporánea”.

Flor Maceiras, Premio de Artes Escénicas

O xurado da modalidade de Artes Escénicas, formado por María Barcala, Teatro do Atlántico, gañadora da edición 2016; Eduardo Rodríguez Cunha, director de Tanxarina;  Fran Alonso, editor e poeta; Mercedes González Castro, actriz, membro de Escena Galega; Juan Carlos Zahera, director do Espacio de Danza da USC; Mariana Carballal, actriz  e Ernesto Sánchez Pombo, que actuou como secretario, en representación de Premios da Crítica de Galicia, acordou entre as propostas presentadas declarar finalistas a Mabel Rivera, Kukas Producións Artísticas, Raúl Ferreira e Flor Maceiras.. Tras as derradeiras deliberacións, acordou outorgar por unanimidade o premio a Flor Maceiras.

O xurado salientou que “decidiu outorgarlle o galardón a Flor Maceiras pola súa traxectoria como actriz e directora e, moi especialmente, como mestra comprometida cunha formación teatral íntegra concibida desde a base e desde as marxes, que ten o seu obxectivo primordial na igualdade de xénero concibida desde o presuposto da calidade artística”

Festival S8. Mostra de cinema periférico da Coruña, Premio de Cine e Artes Audiovisuais

O xurado da modalidade de Cine e Artes Audiovisuais, formado por Alberte Pagán, gañador da edición 2016; Xisela Franco, directora Máster de Cinema e Creación Audiovisual; María Solar, xornalista e escritora; Miguel Anxo Fernández, crítico de cinema e audiovisual; Cristina Iglesias, actriz; Noemí Martínez Ferreiro, guionista e Inma López Silva, que actuou como secretaria, en representación de Premios da Crítica de Galicia, acordou entre as propostas presentadas declarar finalistas a Diana Toucedo, Alberto Vázquez e S8 Mostra de cine periférico da Coruña. Tras as derradeiras deliberacións, acordou outorgar por unanimidade o premio ao Festival S8. Mostra de cine periférico da Coruña.

O xurado salientou “a capacidade do S8. Mostra de cinema periférico da Coruña de, en só oito anos, situarse entre os mellores festivais de cinema de vangarda do mundo. S8 é un festival que sabe conxugar o novo e o vello, o internacional co local, non só servindo como escaparate do cinema galego, senón tamén como canteira da que xorden novos e novas creadoras”.

Grupo Nove, Premio de Cultura gastronómica

O xurado da modalidade de Cultura gastronómica, formado por Roberto Rodríguez Prieto, Artesáns da Pesca, gañador da edición 2016; Jesús Ramos Barcia, profesor de Cociña e Pastelaría do IES Manuel Antonio de Vigo; Alfredo Conde Cid, escritor; Ana Méndez Gil, Denominación de Orixe Ribeiro; Diana Fernández Gómez, blogueira de Bolboretas no bandullo, Antón Sobral, artista e Xavier Limia de Gardón, que actuou como secretario, en representación de Premios da Crítica de Galicia, acordou entre as propostas presentadas declarar finalistas a Grupo Nove, Instituto Galego do Viño e Restaurante Fogar do Santiso. Tras as derradeiras deliberacións, acordou outorgar por maioría o premio a Grupo Nove.

O xurado salientou de Grupo Nove “o compromiso de vinte e catro grandes profesionais galegos da cociña que souberon poñer en valor dende as súas orixes a materia prima galega facéndoa internacionalmente visible cunha estratexia integral que xunta cultura, lingua e patrimonio”.

Xurados dos Premios da Crítica de Galicia 2017

O sábado 4 de novembro de 2017 celebrarase a cerimonia de anuncio do ditame da XLª edición dos Premios da Crítica de Galicia que, a partir das 14:00 horas, terá lugar no decurso dun xantar no Hotel Os Escudos, avenida Atlántida 106, Vigo.

A xunta directiva da Fundación Premios da Crítica Galicia nomeou as seguintes persoas como membros dos xurados de cada unha das oito modalidades:

Creación literaria: María do Cebreiro Rábade Villar, poeta, gañadora da edición 2016; Diana Pastoriza Espasandín, blogueira, asesora CAFI Santiago; Armando Requeixo Cuba, crítico; Mario Regueira Fernández, crítico; Manuel Forcadela, profesor da UDV; Marcos Calveiro, escritor e Eulalia Agrelo Costas, secretaría, APCG.

Investigación: Blanca Roig Rechou, catedrática USC, gañadora da edición 2016; Vanesa Valdeiglesias, profesora UDC; Carme Adán Villamarín, catedrática de Filosofía; Uxío Labarta Fernández, investigador, Instituto de Investigacións Pesqueiras; Xurxo Mariño Alfonso, neurocientífico, profesor UDC; Xavier Senín, profesor e tradutor e María Xosé Porteiro García, secretaría, APCG.

Iniciativas Culturais e Ceintíficas: Observatorio pola Igualdade da Mariña, gañadora da edición 2016; Marcelino Fernández Santiago, xerente do Consello da Cultura Galega; Elena Vázquez Cendón, decana da Facultade de Matemáticas da USC; Manuel Vicente García, xornalista, Esfervescencia Galega; Malós Cabrera, membro da Fundación Penzol; Pablo López, xornalista, Galicia ciencia e Afonso Vázquez-Monxardín, secretaría, APCG.

Música: Uxía Senlle, cantora, gañadora da edición 2016; Manuel F. Álvarez González, fundador de Xuventudes Musicais de Vigo; Octavio Beares, crítico musical de Faro de Vigo; Xosé Luís Blanco Campaña, xornalista; María Xosé Cerviño, Directora da Escola de Música Berenguela de Santiago; Fernando Fernández Rego, xornalista, historiador da música en Galicia e Antón Pulido Novoa, secretaría, APCG.

Artes Plásticas: Rosa Neutro, fotógrafa e artista visual; Chus Martínez Domínguez, crítica de arte e comisaria de exposicións; Juan Creus, arquitecto; Edu Valiña, artista visual; Javier Blanco, galerista, director da Galería Metro de Santiago de Compostela; Kiko da Silva, ilustrador e director da escola profesional O Garaxe Hermético de Pontevedra e Paula Cabaleiro, secretaría, APCG.

Artes Escénicas: María Barcala, Teatro do Atlántico, gañadora da edición 2016; Eduardo Rodríguez Cunha, director de Tanxarina;  Fran Alonso, editor e poeta; Mercedes González Castro, actriz, membro de Escena Galega;  Juan Carlos Zahera, director do Espacio de Danza da USC; Mariana Carballal, actriz  e Ernesto Sánchez Pombo, secretaría, APCG.

Cine e Artes Audiovisuais: Alberte Pagán, gañador da edición 2016; Xisela Franco, directora Máster de Cinema e Creación Audiovisual; María Solar, xornalista e escritora; Miguel Anxo Fernández, crítico de cinema e audiovisual; Cristina Iglesias, actriz; Noemí Martínez Ferreiro, guionista e Inma López Silva, secretaría, APCG.

Cultura Gastronómica: Roberto Rodríguez Prieto, Artesáns da Pesca, gañador da edición 2016; Jesús Ramos Barcia, profesor de Cociña e Pastelaría do IES Manuel Antonio de Vigo; Alfredo Conde Cid, escritor; Ana Méndez Gil, Denomación de Orixe Ribeiro; Diana Fernández Gómez, blogueira de Bolboretas no bandullo, Antón Sobral, artista e  Xavier Limia de Gardón, secretaría, APCG.

Como establece a base sétima «Todas as producións que se consideren premiables en cada unha das modalidades poderán ser presentadas polos seus autores, editores, produtores ou promotores ás secretarías dos xurados antes do 30 de setembro de 2017. Así mesmo, cada un dos membros dos xurados poderá presentar cantas candidaturas considere oportunas para a súa valoración polo resto dos membros.»

A este teor as propostas poderán ser dirixidas ás secretarías de cada unha das modalidades escribindo a: premiosdacriticagalicia@gmail.com

Creación literaria: Eulalio Agrelo Costas, eagrelo@yahoo.es

Investigación: María Xosé Porteiro García, maria.xose.porteiro@gmail.com

Iniciativas Culturais e Científicas: Afonso Vázquez Monxardín, monxardin@gmail.com

Música: Antón Pulido Novoa, antonpulido@gmail.com

Artes Plásticas: Paula Cabaleiro Comesaña, paulacabaleiro.proyectos@gmail.com

Artes Escénicas: Ernesto Sánchez Pombo, espombo@yahoo.es

Cine e Artes Audiovisuais:Inma López Silva, inmalopezsilva@gmail.com

Cultura Gastronómica: Xabier Limia de Gardón,xaligard21@gmail.com

 

Convocados os Premios da Crítica de Galicia 2017

A Asociación Premios da Crítica de Galicia acordou na súa reunión do 26 de xuño aprobar as bases pola que se rexerán os Premios da Crítica de Galicia 2017, que se ditaminarán en Vigo o 4 de novembro de 2017, ademais de nomear as secretarías de cada unha das modalidades.

Como establece a base sétima «Todas as producións que se consideren premiables en cada unha das modalidades poderán ser presentadas polos seus autores, editores, produtores ou promotores ás secretarías dos xurados antes do 30 de setembro de 2017. Así mesmo, cada un dos membros dos xurados poderá presentar cantas candidaturas considere oportunas para a súa valoración polo resto dos membros.»

A este teor as propostas poderán ser dirixidas ás secretarías de cada unha das modalidades escribindo a: premiosdacriticagalicia@gmail.com

Creación literaria: Eulalio Agrelo Costas, eagrelo@yahoo.es

Investigación: María Xosé Porteiro García, maria.xose.porteiro@gmail.com

Iniciativas Culturais e Científicas: Afonso Vázquez Monxardín, monxardin@gmail.com

Música: Antón Pulido Novoa, antonpulido@gmail.com

Artes Plásticas: Paula Cabaleiro Comesaña, paulacabaleiro.proyectos@gmail.com

Artes Escénicas: Ernesto Sánchez Pombo, espombo@yahoo.es

Cine e Artes Audiovisuais:Inma López Silva, inmalopezsilva@gmail.com

Cultura Gastronómica: Xabier Limia de Gardón,xaligard21@gmail.com